admin
ବରଗଡ଼/ ପଦ୍ମପୁର :- (ଫକୀର ରଣା).ବରଗଡ଼ ଜିଲ୍ଲା ପଦ୍ମପୁର ଅନ୍ତର୍ଗତ ଦହିଗାଁ ଗ୍ରାମ ପଞ୍ଚାୟତ ର ବ୍ରାହ୍ମଣ ଡିହ ପ୍ରାଥମିକ ବିଦ୍ୟାଳୟର ସହକାରୀ ଶିକ୍ଷକ ରାଜେନ୍ଦ୍ର ମହାନ୍ତି ଅବସର ଗ୍ରହଣ କରିଛନ୍ତି । ସେ ଭଲ ପାଠ ପଢା ପ୍ରତି ଅତ୍ୟନ୍ତ ଗୁରୁତ୍ବ ଦେଉଥିବା ବେଳେ ଜଣେ ଛାତ୍ର ପ୍ରିୟ ଶିକ୍ଷକ ଥିଲେ। ପୂର୍ବରୁ ସେ କପଶିଲା ପ୍ରାଥମିକ ବିଦ୍ୟାଳୟ, ପଦ୍ମପୁର ଏଲ ବି ଏସ ଉଚ୍ଚ ପ୍ରାଥମିକ ବିଦ୍ୟାଳୟ, ଦହିଗାଁ ପ୍ରାଥମିକ ବିଦ୍ୟାଳୟ ଆଦି ଠାରେ ଶିକ୍ଷକତା କରି ତାଙ୍କ କର୍ତ୍ତବ୍ୟ ନିଷ୍ଠା ଏବଂ ଛାତ୍ର ବାତ୍ସଲତା ର ପରିଚୟ ଦେଇଛନ୍ତି । ତାଙ୍କ ଚେଷ୍ଟା ଏବଂ କର୍ତ୍ତବ୍ୟ ପରାୟଣତା ଯୋଗୁଁ ଉକ୍ତ ବିଦ୍ୟାଳୟ ମାନଙ୍କ ସହ ବ୍ରାହ୍ମଣ ଡିହ ପ୍ରାଥମିକ ବିଦ୍ୟାଳୟ ର ଅନେକ ଉନ୍ନତି ମୂଳକ କାମ କରି ସୁନାମ ଅର୍ଜନ କରିଛନ୍ତି । ଏଥି ପାଇଁ ତାଙ୍କ ଅବସର ସକାଶେ ଏକ ବିଦାୟ କାଳୀନ ସମ୍ବର୍ଦ୍ଧନା ସଭାର ଆୟୋଜନ କରାଯାଇଥିଲା । ଏଥିରେ ବିଦ୍ୟାଳୟ ର ପ୍ରଧାନ ଶିକ୍ଷକ ଗୁରୁବାରୁ ମିରି, ସହକାରୀ ଶିକ୍ଷକ ଘନଶ୍ୟାମ ସାହୁ, ସ୍କୁଲ ଅଧ୍ୟକ୍ଷ ତୁଳସୀ ପ୍ରସାଦ ପାତ୍ର, କମିଟି ସଭ୍ୟ ସଭ୍ୟା ସହ ଗ୍ରାମବାସୀ ମାନେ ଉପସ୍ଥିତ ଥିଲେ । ସଭା ପରେ ଶିକ୍ଷକ ଙ୍କୁ ଫୁଲମାଳ ପିନ୍ଧାଇ ଉପଢୌକନ ଦେଇ ବାଜା ବଜାଇ ଗ୍ରାମ ପରିକ୍ରମା କରା ଯାଇଥିଲା । ମହାନ୍ତି ଙ୍କ ବିଦାୟ ସମୟରେ ସମସ୍ତ ଛାତ୍ର ଛାତ୍ରୀ, ଅଭିଭାବକ ଙ୍କ ସହ ଶିକ୍ଷକ ନିଜେ ଭାବ ବିହ୍ବଳ ହୋଇ କାନ୍ଦି ପକାଇଥିଲେ ।
।
