admin
ବରଗଡ଼/ ପଦ୍ମପୁର :– (ଫକୀର ରଣା). ବରଗଡ଼ ଜିଲ୍ଲା ପଦ୍ମପୁର ବ୍ଲକ ଅନ୍ତର୍ଗତ ଜମଲା ଡିଗ୍ରୀ ମହାବିଦ୍ୟାଳୟ ରେ ବିଭାଗ ସ୍ତରୀୟ ଏକ ଆଲୋଚନା ଚକ୍ର ମହାବିଦ୍ୟାଳୟ ର ଅଧ୍ୟକ୍ଷ ସ୍ଵାଧୀନ ଚନ୍ଦ୍ର ପ୍ରଧାନ ଙ୍କ ତତ୍ତ୍ଵାବଧାନରେ ଅନୁଷ୍ଠିତ ହୋଇ ଯାଇଛି । ଏଥିରେ ମହା ବିଦ୍ୟାଳୟ ରେ ଥିବା ପାଞ୍ଚୋଟି ବିଭାଗ ଯଥା :– ଶିକ୍ଷା ବିଭାଗ, ରାଜନୀତି ବିଜ୍ଞାନ ବିଭାଗ, ଓଡ଼ିଆ ବିଭାଗ, ଇଂରାଜୀ ବିଭାଗ ଓ ଇତିହାସ ବିଭାଗ ର ଅନେକ ବିଷୟରେ ଆଲୋଚନା ହୋଇଥିଲା । କାର୍ଯ୍ୟକ୍ରମ ରେ ମୁଖ୍ୟ ଅତିଥି ଭାବେ ମହା ବିଦ୍ୟାଳୟ ପରିଚାଳନା ପରିଷଦ ର ପୂର୍ବତନ ସଦସ୍ୟ କଳା କହ୍ନେଇ ପ୍ରଧାନ, ସମ୍ମାନିତ ଅତିଥି ଭାବେ ଅଞ୍ଚଳ ମହା ବିଦ୍ୟାଳୟ ର ରାଜନୀତି ବିଜ୍ଞାନ ର ଅଧ୍ୟାପକ ପ୍ରଶାନ୍ତ ସିଦାର, ଓଡ଼ିଆ ବିଭାଗ ର ଅଧ୍ୟାପକ ଜୟ କୁମାର ଭୁଏ, ଇଂରାଜୀ ବିଭାଗ ର ଅଧ୍ୟାପକ ସମୀର ନାଗ, ଜମଲା ଜୁନିଅର କଲେଜ ର ଅଧ୍ୟକ୍ଷ ତଥା ଇତିହାସ ବିଭାଗ ର ଅଧ୍ୟାପକ ବିରଜା ପ୍ରସାଦ ଦଳପତି, ଘେଁସ କଲେଜ ର ଶିକ୍ଷା ବିଭାଗ ଅଧ୍ୟାପକ ଇସୁ ମହାନନ୍ଦ ଯୋଗ ଦେଇଥିଲେ । କାର୍ଯ୍ୟକ୍ରମ ରେ ଅଧ୍ୟାପକ ସଦାନନ୍ଦ ସେଠ୍ ପ୍ରାରମ୍ଭିକ ସୂଚନା ପ୍ରଦାନ ଓ ଅଧ୍ୟାପକ ଆଶିଷ କୁମାର ଭୋଇ ଧନ୍ୟବାଦ୍ ଅର୍ପଣ କରିଥିବା ବେଳେ ମହାବିଦ୍ୟାଳୟ ର ସମସ୍ତ କର୍ମଚାରୀ ସହଯୋଗ କରିଥିଲେ ।
