admin
ନୟାଗଡ:–( ପ୍ରଶାନ୍ତ କୁମାର ପ୍ରଧାନ )ଆଜି ନୟାଗଡ ନିର୍ବାଚନ ମଣ୍ଡଳୀ ର ନୟାଗଡ ବ୍ଲକ ଏବଂ ପୌରାଞ୍ଚଳକୁ ନେଇ ନୟାଗଡ ବିଧାୟକ ଅରୁଣ ସାହୁଙ୍କ ନେତୃତ୍ୱରେ ବିଶାଳ ଜନ ସମ୍ପର୍କ ପଦଯାତ୍ରା ଅନୁଷ୍ଠିତ ହୋଇଯାଇଛି,ଏହି ଜନ ସମ୍ପର୍କ ପଦଯାତ୍ରାରେ ଦଶପଲ୍ଲା ବିଧାୟକ ରମେଶ ଚନ୍ଦ୍ର ବେହେରା,ବୋଲଗଡ ବେଗୁନିଆ ବିଧାୟକ ପ୍ରଦୀପ ସାହୁ,ରଣପୁରର ପୂର୍ଵତନ ବିଧାୟକ ସତ୍ୟନାରାୟଣ ପ୍ରଧାନ,ଜିଲ୍ଲା ପରିଷଦ ଅଧ୍ୟକ୍ଷ ଦେବାଶିଷ ପଟ୍ଟନାୟକ, ଭାପୁର ବ୍ଲକ ଉପାଦଧ୍ୟ ବେଣୁଧର ପ୍ରଧାନ, ନୟାଗଡ ଅଧକ୍ଷ କିଶୋର ସାହୁ,ଓଡଗାଁ ବ୍ଲକ ଅଧକ୍ଷ ଲୋକନାଥ ସାହୁ ସମେତ ନୟାଗଡ ବ୍ଲକ ର ସମସ୍ତ ଜନ ପ୍ରତିନିଧି ଏବଂ ପ୍ରାୟ 12000ରୁ ଉର୍ଦ୍ଧ୍ବଦଳୀୟ କର୍ମକର୍ତ୍ତା,ଶୁଭେଚ୍ଛୁ,ସମର୍ଥକ ଓ ଜନପ୍ରତିନିଧି ଏହି କାର୍ଯ୍ୟକ୍ରମରେ ସାମିଲ ହୋଇଥିଲେ ।ଏହି କାର୍ଯ୍ୟକ୍ରମରେ ପ୍ରଥମେ ନୟାଗଡ ଟାଉନ ଥାନା ପାଖ ଖେଳ ପଡିଆ ଠାରୁ ପଦଯାତ୍ରାରେ ବାହାରି ନୟାଗଡ ବଜାର ପରିକ୍ରମା କରି ପାଖାପାଖି 5 କିଲୋମିଟର ପର୍ଯ୍ୟନ୍ତ ପଦଯାତ୍ରାରେ ଯାଇ ଶାଳଭଞ୍ଜ ଆମ୍ବ ତୋଟା ଠାରେ ପହଂଚି ସଭା କାର୍ଯ୍ୟ ଅନୁଷ୍ଠିତ ହୋଇଥିଲା, ଏହାପରେ ବିଧାୟକ ଓ ବିଜୁ ଜନତା ଦଳର କର୍ମକର୍ତ୍ତା ଶାସକ ଦଳ ସରକାର ଙ୍କୁ ମିଛୁଆ ସରକାର କହି ସମା ଲୋଚନ କରିବା ସହିତ ଶାସକ ଦଳ ସରକାରଙ୍କ ବିଫଳତାର କାହାଣୀ କହି ସରକାର ଉପରେ ବର୍ଷିଥିଲେ ।କାରଣ ଉଜୁଡି ଯାଇଥିବା ଓଡିଶାକୁ ନବୀନ ପଟ୍ଟନାୟକ ସୁନାର ଓଡିଶା ଭାବେ ଗଠନ କରିଛନ୍ତି । ଆଜିକାର ସରକାର ଏକ ମିସକଲ ସରକାର ଓ ମିଛୁଆ ସରକାର ବୋଲି ସେ ପ୍ରକାଶ କରିଥିଲେ । ନିର୍ବାଚନ ସମୟରେ ମିଛ ପ୍ରତିଶୃତି ଦେଇ ସରକାରକୁ ଆସିଛନ୍ତି । ଭତ୍ତାଠାରୁ ଆରମ୍ଭ କରି ବିଦ୍ୟୁତ, ଓଡିଆ ଅସ୍ମିତା, ସୁଭଦ୍ରା ଯୋଜନା, ରାଜ୍ୟପାଳଙ୍କ ପୁଅ ମାଡ଼ ମାରିବା ଘଟଣା, ଦରଦାମ ବୃଦ୍ଧି ଆଦି ସମସ୍ତ କ୍ଷେତ୍ରରେ ଏ ସରକାର ମିଛ କହି ଚାଲିଛନ୍ତି । ମାଙ୍କଡ ହାତରେ ଶାଳଗ୍ରାମ ପରି ଏ ସରକାର ଚାଲିଛି । ଏ ସରକାର ସମସ୍ତ ପ୍ରତିଶୃତି ଭୁଲିଯାଇ କେବଳ ରଙ୍ଗ ବଦଳାଇବା କାମରେ ନ୍ୟସ୍ତ ରହିଛି । ଆଗାମୀ ଦିନରେ ପୁଣି ଥରେ ବିଯୁଜନତା ଦଳ ସରକାର ଗଠନ କରିବ.ଏବଂ ଆଗାମୀ ଦିନରେ ଜନ ସାଧାରଣ ଏହାର ଉଚିତ ଜବାବ ଦେବେ ଜନ ସାଧାରଣ|
