admin
ଯାଜପୁର:-( ରଶ୍ମି ରଞ୍ଜନ ବିଶ୍ୱାଳ ) ବନ୍ଦେ ଉତ୍କଳ ଜନନୀର ୪୦ ତମ ବୋଇତ ବନ୍ଦାଣ ଉତ୍ସବ ଓ ସାଂସ୍କୃତିକ ମିଳନ ସଭା ଧର୍ମଶାଳା ବ୍ଲକ ମିର୍ଜାପୁର ପଂଚାୟତ ଅନୁଷ୍ଠିତ ହୋଇଯାଇଛି । ସ୍ଥାନୀୟ ଶ୍ୟାମସୁନ୍ଦରଜୀଉଙ୍କ ପବିତ୍ର ପୁଷ୍କରିଣୀରେ ବୋଇତ ବନ୍ଦାଣ କାର୍ଯ୍ୟକ୍ରମ ଅନୁଷ୍ଠିତ ହୋଇଥିଲା। ହଜାର ହଜାର ଶ୍ରଦ୍ଧାଳୁଙ୍କ ହରିବୋଲ, ହୁଳହୁଳି ମଧ୍ୟରେ ଅତିଥିମାନେ ଏକ ସୁସଜ୍ଜିତ ବୋଇତକୁ ଭସାଇଥିଲେ । ଅନୁଷ୍ଠାନର ପ୍ରତିଷ୍ଠାତା,ଧର୍ମଶାଳାର ପୂର୍ବତନ ବିଧାୟକ ସର୍ଗତ ରବି ଲାବଣ୍ୟଙ୍କ ଜ୍ୟେଷ୍ଠପୁତ୍ର ପ୍ରାଧ୍ୟାପକ ବଳଭଦ୍ର ଦାଶଙ୍କ ସଭାପତିତ୍ୱରେ ଆୟୋଜିତ ଉତ୍ସବରେ ଯାଜପୁର ଅତିରିକ୍ତ ଜିଲ୍ଲାପାଳ ଶୁଭେନ୍ଦ୍ର କୁମାର ସାମଲ ମୁଖ୍ୟଅତିଥି ଭାବେ ଯୋଗଦେଇ ପ୍ରଦୀପ ପ୍ରଜ୍ଜ୍ଵଳନ ପୂର୍ବକ ଉତ୍ସବକୁ ଉଦ୍ଘାଟନ କରିଥିଲେ । ଆୟୋଜିତ ଉତ୍ସବରେ ସମାଜ ଡିଜିଟାଲ ଏଡିଟର ଗୋପାଳକୃଷ୍ଣ ମହାପାତ୍ର ବରିଷ୍ଠ ସାମ୍ବାଦିକ ତଥା ସ୍ତମ୍ଭକାର ପ୍ରଦୋଷ ପଟ୍ଟନାୟକ, ଓଡିଆ ଚଳଚିତ୍ର ଅଭିନେତ୍ରୀ ସୁପ୍ରିଆ ନାୟକ ସମ୍ମାନିତ ଅତିଥି ଭାବେ ଯୋଗଦେଇଥିଲେ । ଅତିଥିମାନେ କଳିଙ୍ଗର ଅତୀତର ସମୃଦ୍ଧଶାଳୀ ଗୌରବମୟ ନୌବାଣିଜ୍ୟ ପରମ୍ପରାକୁ ମନେପକାଇବା ସହିତ ଓଡିଆ ସଂସ୍କୃତି, ପରମ୍ପରା ଓ ଅସ୍ତିତାକୁ ବଜାଇ ରଖୁବାକୁ ମତବ୍ୟକ୍ତ କରିଥିଲେ |
