admin
କଟକ:–(ବିନୋଦ କୁମାର ଭୋଇ) କଟକର ୫୬ ନମ୍ବର ଓ୍ବାର୍ଡ ଅନ୍ତର୍ଗତ ପାଇକ ସାହିରେ ଏକ ଅଭାବନୀୟ ପରିସ୍ଥିତି ଦେଖୂବାକୁ ମିଳିଛି। ପାଇକ ସାହି ଉଚ୍ଚ ପ୍ରାଥମିକ ବିଦ୍ୟାଳୟ ସମ୍ମୁଖରେ ଥିବା ଦୁଇପଟକୁ ସଂଯୁକ୍ତ କରୁଥିବା ରାଜପଥ ତଳ ରାସ୍ତା ଦୀର୍ଘ ଦିନ ହେବ ପାଣି ପୂର୍ଣ୍ଣ ହୋଇ ରହିଛି।ଏଥୂଲାଗି କଟକ ମହାନଗର ନିଗମ ପକ୍ଷରୁ ଜଳନିଷ୍କାସନ ଲାଗି ମୋଟର ପମ୍ପ ସହ ଆବଶ୍ୟକୀୟ ତେଲ ଯୋଗାଇ ଦିଆଯାଉଥୂଲେ ମଧ୍ୟ ଏହି ପାଣି ପମ୍ପ ବନ୍ଦ ହୋଇପଡିଛି। ଦୁଃଖ ଓ ପରିତାପର ବିଷୟ ଯେ ଏହି ପାଣି ପମ୍ପ ଚାଲିବା ଲାଗି କଟକ ମହାନଗର ନିଗମ ତହବିଲରୁ ତେଲ ଲାଗି ଦିଆଯାଉଥିବା ଅର୍ଥ ବାଟମାରଣା ହେବା ସ୍ଥାନୀୟ ଲୋକେ ଅଭିଯୋଗ କରିବା ସହ ଏହି ପାଣି ଭିତରେ ପଶି ସ୍କୁଲ କୁ ପାଠ ପଢିବାକୁ ଆସୁଥୂବା ଛୋଟ ଛୋଟ ପିଲାମାନଙ୍କର ଯଦି କୈାଣସି ଦୁର୍ଘଟଣା ହୁଏ ତେବେ କିଏ ଦାୟୀ ରହିବେ ବୋଲି ପ୍ରଶ୍ନ କରିଛନ୍ତି। ବାରମ୍ବାର ଅଭିଯୋଗ କରିବା ପରେ ମଧ୍ୟ କଟକ ମହାନଗର ନିଗମ ମେୟର, କମିଶନର, ସ୍ଥାନୀୟ ବିଧାୟକ ଓ ସ୍ଥାନୀୟ କର୍ପୋରେଟର ନୀରବ ରହିବା ସ୍ଥାନୀୟ ଅଞ୍ଚଳରେ ଏକ ପ୍ରଶ୍ନବାଚୀ ସୃଷ୍ଟି କରିବା ସହ ଏହାର ତୁରନ୍ତ ପ୍ରତିକାର ଲାଗି ଅନୁରୋଧ କରିଛନ୍ତିି।
