admin
ବରଗଡ଼/ ପାଇକମାଳ :– (ଫକୀର ରଣା )ବରଗଡ଼ ଜିଲ୍ଲା ପାଇକମାଳ ସ୍ଥିତ ବିନ୍ଧ୍ୟାବାସିନୀ ସ୍ନାତକ ମହାବିଦ୍ୟାଳୟ ର ଅଧ୍ୟକ୍ଷ ଲୋହିତ କୁମାର ବାରିକ ଙ୍କ ତତ୍ତ୍ଵାବଧାନରେ “ଦୁର୍ନୀତି ନିବାରଣ ସଚେତନତା ସପ୍ତାହ – ୨୦୨୪ ପାଳନ ଅବସର ରେ ଏକ ସାମୁହିକ ଶପଥ ପାଠ କାର୍ଯ୍ୟକ୍ରମ ଅନୁଷ୍ଠିତ ହୋଇ ଯାଇଛି । ଏଥିରେ ମହାବିଦ୍ୟାଳୟ ର ଅଧ୍ୟାପକ, ଅଧ୍ୟାପିକା, ଛାତ୍ର ଛାତ୍ରୀ, କର୍ମଚାରୀ ନିଜେ କେବେ ଦୁର୍ନୀତି ନ କରିବା ଓ ଦୁର୍ନୀତି କୁ କେବେ ପ୍ରଶ୍ରୟ ନ ଦେବା ନିମନ୍ତେ ଦୃଢ଼ ଶପଥ ନେଇଥିଲେ । ଏଥିରେ ମହାବିଦ୍ୟାଳୟ ର ଅଧ୍ୟାପକ ପ୍ରଭାତ ବିଶ୍ୱାଳ, ପ୍ରଦୀପ୍ତ କୁମାର ସାହୁ, ଦେବରାଜ ସାହୁ, ଅଧ୍ୟାପିକା ମିନା କୁମାରୀ ସାହୁ, ପୁଷ୍ପ ମଞ୍ଜରୀ ପ୍ରଧାନ ସମେତ ସମସ୍ତ ଅଧ୍ୟାପକ, ଅଧ୍ୟାପିକା, କର୍ମଚାରୀ ଏବଂ ଛାତ୍ର ଛାତ୍ରୀ ଯୋଗ ଦେଇଥିଲେ ।
