admin
କଟକ:–( ବିନୋଦ କୁମାର ଭୋଇ )ପବିତ୍ର କାର୍ତ୍ତିକ ପୂର୍ଣ୍ଣିମାର ଶୁଭ ଅବସରରେ ମହାନଦୀ ପୂଜନ ସମିତି ପକ୍ଷରୁ ଗଡଗଡିଆ ଘାଟ ଠାରେ ପୂଣ୍ୟତୋୟା ମହାନଦୀ ତଟରେ ଶ୍ରୀକ୍ଷେତ୍ର ପୁରୀର ବିଶିଷ୍ଟ ପଣ୍ଡିତ ବାବା ଶ୍ରୀ ଜୟନାରାୟଣ ମହାପାତ୍ରଙ୍କ ଦ୍ଵାରା ଜଗତର କଲ୍ୟାଣ ପାଇଁ ମହାନଦୀର ଆଳତି ସମର୍ପିତ ହୋଇଯାଇଛି । ବହୁ ଶ୍ରଦ୍ଧାଳୁଙ୍କ ଉପସ୍ଥିତି ଏବଂ ଭାବାବେଗ ପୂର୍ଣ୍ଣ ପରିବେଶରେ ଆୟୋଜିତ ଉତ୍ସବରେ ପଣ୍ଡିତ ବାବା ଶ୍ରୀ ମହାପାତ୍ରଙ୍କୁ ମହାନଦୀ ପୂଜନ ସମିତି ପକ୍ଷରୁ ସଭାପତି ଶ୍ରୀ କ୍ଷୀରୋଦ କୁମାର ସାହୁ, ସମ୍ପାଦକ ଶ୍ରୀ ଗଙ୍ଗାଧର ସାହୁ, କାର୍ଯ୍ୟକାରୀ ସଭାପତି ଶ୍ରୀ ହେମନ୍ତ କୁମାର ସାହୁ, ଉପ-ସଭାପତି ଶ୍ରୀ ରବିନ୍ଦ୍ର କୁମାର ସାହୁ, ଯୁଗ୍ମ ସମ୍ପାଦକ ଶ୍ରୀ ଜଗନ୍ନାଥ ଚୈ।ଧୁରୀ, ଓ କୋଷାଧ୍ୟକ୍ଷ ଶ୍ରୀ ରଞ୍ଜନ କୁମାର ସାହୁ ପ୍ରମୁଖ କର୍ମକର୍ତ୍ତାମାନେ ମହାପ୍ରଭୁ ଶ୍ରୀଜଗନ୍ନାଥଙ୍କ ତୈଳଚିତ୍ର ଅର୍ପଣ କରିଥିଲେ।ବାବା ଶ୍ରୀ ମହାପାତ୍ର ଏହି କାର୍ଯ୍ୟକ୍ରମରେ ଯୋଗଦେଇ ଏହା ସନାତନ ଧର୍ମର ପରିଚୟ ଓ ପୂଣ୍ୟତୋୟା ମହାନଦୀର ସୁରକ୍ଷା ଲାଗି ଏକ ସୁନ୍ଦର ପ୍ରୟାସ ସହ ମହାନଦୀ ପୂଜନ ସମିତିକୁ ସାଧୁବାଦ ଜଣାଇଥିଲେ। ଏହି ଉତ୍ସବରେ ବହୁ ସଂଖ୍ୟକ ଭକ୍ତଙ୍କ ଭିଡ଼ ଲାଗିଥିବାର ଦେଖିବାକୁ ମିଳିଥିଲା । ମହାନଦୀ ପୂଜନ ସମିତିର ଏପରି ମହାନ କାର୍ଯ୍ୟକୁ କଟକର ସବୁ ଆଡେ ଭୂୟ’ସୀ ପ୍ରଶଂସା କରାଯାଇଥିଲା ।
